Alle får tildelt slag ut frå hcp. Om å gjere å kome lengst mogleg på banen til slaga er brukt opp. Det skal i utgangspunktet spelast 12 hol (men ein kan sjølvsagt koma lenger om ein spelar betre enn sitt hcp). Dette er moro, og eigentleg konkurrerer du berre med deg sjøl! No har du sjanse til å prøve, for førstkomande laurdag 19.09. kl 15 skjer det på Børve. Møt fram 1/2 time før start!

Påmelding i Golfbox.

Posted den av hgkadm | Kommenter innlegget

Barnegolfen er no avslutta for sesongen. Totalt 14 ungar har vore innom aktiviteten, og det syns vi er ok til å vera første året vi arrangerer det. Takk til alle de som var med! Vi prøver igjen til neste vår, og håpar på endå fleire deltakarar. I mellomtida kan dei som ynskjer å spele meir i år, låne utstyr av klubben gratis. Vi har køller som høver for born 4-7år og 8-11år. Send sms til 95020743 viss du vil låne.

Posted den av hgkadm | Kommenter innlegget

Vi har ledige plassar på instruksjonen med Jon Klyve i morgo søndag kl 18! Instruksjonen er gratis og startar kl 18. Send påmelding til Hardangergolfklubb@gmail.com snarast. Førstemann til mølla!

Posted den av hgkadm | Kommenter innlegget

I går, onsdag 2.09. vart siste serieturneringa i år arrangert. 12 menn, 2 damer og ein junior deltok i det strålande veret. Kveldens vinnarar vart Reidun Skålheim Solberg, Alf Steine og junior Eivind Solberg. Vi gartulerer! Dessverre var ikkje fotografen til stades, men send gjerne bilete til Hardangergolfklubb@gmail.com viss du har nokon, så skal vi leggje dei ut!

Posted den av hgkadm | Kommenter innlegget

Har du skrivar, kan du laste ned kortet her og skrive det ut. Elles kan du bruke Golfbox- appen som du lastar ned på mobilen din.

Posted den av hgkadm | Kommenter innlegget

Jon Klyve (Norgesmeister fleire gonger) kjem og instruerer førstkomande søndag kl 18. Det er då plass til 5. Nybegynnarar vert prioritert. Viss mange melder seg, instuerer han mandag og eventuelt tysdag og.

Interessert? Send mail til Hardangergolfklubb@gmail.com og skriv navn, alder og kva dag du helst vil.

Posted den av hgkadm | Kommenter innlegget

Randi Hjemlestad vart best samanlagt av seniordamene i år! Vi gratulerer! Morten Nystad vann senior herrer, men han var dessverre ikkje til stades i kveld, så derfor er det ikkje bilete av han.

Til slutt vart Sigbjørn Laupsa takka for arbeidet han har lagt ned med å arrangera seniorturneringane gjennom sesongen. Ikkje berre har han halde styr på scorekort og resultat, men han har og laga kaffi og hatt noko å bite i til alle deltakarane!

Posted den av hgkadm | Kommenter innlegget

7 damer og 15 menn stilte til årets siste turnering blant seniorene. Vêret var på vår side, men at det er haust, merka vi når sola gjekk ned. Sigbjørn Laupsa hadde lagt inn to ekstra konkurransar i turneringa; «closest to pin» på hol 6, og «longest drive» på hol 2. Sjå bilde av vinnarane nedanfor. Kveldens konkurranse vart vunnen av Terje Storeng og Gro Mari Liland.

Posted den av hgkadm | Kommenter innlegget

Bjørnefjorden vart i år slått av Hardanger Golfklubb. Det vart til slutt 3 poeng leiing til Kvemmingane. Vi gratulerer!

Posted den av hgkadm | Kommenter innlegget

14 personar starta på den 18 hol lange konkurransen; tre av dei var damer. Eg fekk lov til å følgja Bjørg Døssland og Randi Hjemlestad på to hol. Dagens plan var å tømma hovudet for andre tankar enn golf, berre slå, prata minst mogeleg og vera i bobla. Randi har ein tittel å forsvara, men Bjørg er med for det er fint vêr og banen er flott. Dei to damene starta på hol 6. Randi slo oppå greenen, og Bjørg heilt i kanten, begge gjorde holet unna med 4 slag, og det sa dei seg nøgde med. På hol 1 var stillingen framleis uavgjort, då eg forlot dei. Nokon timar og 18 hol seinare måtte Randi gje frå seg pokalen til den glade vinnaren, Astrid Sundfjord!

Astrid Sundfjord, klubbmeister damer senior og Richard Børven, klubbmeister herrer. Sistnevnte hadde lik score med Svein Lund og måtte spela omkamp på hol 6. Richard var best og følgjeleg kunne han ta den ettertrakta pokalen med seg heim!

Juniorane er viktige i klubben, dei er framtida, og Eivind Solberg vart den glade vinnar her. Vi gratulerer alle vinnarane!

Posted den av hgkadm | Kommenter innlegget

gjekk av stabelen i går, onsdag 26.08. 14 herrer og 1 dame stilte til start i det fine veret. Vinnarar vart Christoffer Gjerde og Astrid Sundfjord. Dei andre resultata finn de i Golfbox. Nokon hadde ei fin opplading til Klubbmeisterskapen på søndag, andre må nok øva litt meir.

Posted den av hgkadm | Kommenter innlegget

Vi må dessverre avlyse barnegolfen i dag tysdag 25.08. Vi prøver igjen tysdag 1.09. Kl 18.

Posted den av hgkadm | Kommenter innlegget

I morgo, tysdag 25., er det barnegolf kl 18. Alle er velkomne! Onsdag 26. kl 17.30 er det nest siste Serieturnering. Merk tida! Søndag 30. går Klubbmeisterskapet av stabelen. Dette skjer kl 15. Her er det plass til mange, så meld deg på. Påmeldingsfristen er dagen før i Golfbox.

Posted den av hgkadm | Kommenter innlegget

På tredje forsøket melde det seg 16 spelarar til turneringa der du berre har lov til å ha med deg 3 køller inkludert putter. Dei to vinnarane, Morten Nystad og Ingunn Grevstad, klarte seg fint med berre 3 køller, det var verre for andre, men kvelden var fin og latteren sat laust.

Posted den av hgkadm | Kommenter innlegget

Golfhistorien til Ingunn starta eigentleg for 9 år sidan då ho og mannen Lasse var på køyretur gjennom Europa. «Lasse peika og sa at det er det ein golfbane, og eg sa å.» Vel heime, fortalte Ingunn til mor si at Lasse hadde peika på alle golfbanene dei køyrde forbi, kor på mor hennar svara, «jammen Ingunn, har du ikkje skjønt det, vil du halda på Lasse må du begynne å spele golf!» Året etter gjekk turen til Thailand, og Ingunn gjorde som mammo sa og begynte på golf der. Tre dagar stod ho på drivingrangen og slo, og varmt og fuktig var det, så svetten rann. «Eg svetta sikkert tre liter for dagen» Fjerde dagen var det ut på banen med caddy, pro og buggy, og då var det ikkje snakk om å gje seg etter tre hol, nei 18 hol måtte det bli. «Ikkje ville eg ha golfkle heller, så bomullstrøya klistra seg til kroppen, men eg skjønte fort at shorts og pique trøye var tingen». Ja, sidan har eg spela golf, og Lasse og eg har vore på mange fine banar.» I løpet av desse 8 åra har Ingunn spelt seg til å verta ein skikkeleg bra golfutøvar, og er ein av dei beste damespelarane vi har i klubben!

Posted den av hgkadm | Kommenter innlegget