Trening for neste sesong?

Ei matte og ein strikk er alt du treng for å nå nye lengder til våren – tull? Nei, berre sjekk denne, https://www.nrk.no/livsstil/ovelser-som-erstatter-treningsapparatene-1.15241627

Småprat | Posted on by | Kommenter innlegget

Generalsponsoren vår,

kom med ein gledeleg overraskelse torsdag kveld. På styremøte fekk vi besøk av banksjef May Turid Tømmervik, og ho hadde med seg ei gåve på 20.000 frå «Koronafondet» til banken. Dette set vi stor pris på og pengane er alt brukt på tiltak tidleg i vår. Tusen takk!

Småprat | Posted on by | Kommenter innlegget

Snø

Vi har no stengt driving range, Lunden og banen, dvs sistnevnte kan spelast på når det ikkje er frost, men flagga er fjerna frå green. Vi takkar alle som har spelt på banen, brukt Lunden, jobba dugnad, sponsa klubben og elles vore gode støttespelarar for oss! Vi gler oss til våren og ny sesong.

Småprat | Posted on by | Kommenter innlegget

I dag

I dag var det mørkt 17.30. Det betyr at vi avsluttar treningskvelder for nybegynnarar for sesongen. Vel møtt igjen til våren! Banen er enno open, så viss de har høve til å gå ein runde i ny og ne, så er det bra for progresjonen!

Småprat | Posted on by | Kommenter innlegget

Takk til

Andre og Svein som fekk hjulet på mini traktoren igjen. No står den heil og fornøyd i garasjen sin!

Småprat | Posted on by | Kommenter innlegget

Tusen takk!

Tusen takk til alle dei 22 som møtte på dugnaden! Vi fekk gjort alt som stod på lista vår, så no vert det mindre å gjere til våren reknar vi med.

Minitraktoren var eit kapittel for seg; først stoppa den, så fekk dei han i gang igjen vha bakkestart – deretter gjekk den 300 meter, og så datt eit av hjula av! Inni der hjulet skal vera var det finmekanikk, og då må spesialist på banen, så viss du ser traktoren ved hol 1 så veit du kvifor!

Lift vart leigd for å fiksa nettet, men den viste seg å vera for kort, så då kom det kranbil med korg som 2 heldige menn vart heist til topps i. Nettet vart fiksa og delvis drege til sides! Resten av nettet vart og fiksa, men det heng ute for banen og driving rangen er framleis open! Det vil kome melding her og på FB ein dag før vi stengjer.

Innimellom all jobbinga serverte vi heimebakst og kaffi/te med smittevernreglane i fokus. Vi hadde og premieutdeling for dei turneringene som gjenstod. Alle resultata ligg i Golfbox. Viss du skal ha premie og ikkje var der, så får du den av nokon som var der og tok den for deg.

Småprat | Posted on by | Kommenter innlegget

Er du nybegynnar?

Vi har trening for deg mandagar kl 17. Varm opp på rangen så du er klar til å gå på banen! Vi deler oss i små grupper og spelar så mange hol vi klarer før mørkret kjem. Du kan låne utstyr hos oss viss du ikkje har sjøl! Dette er både sosialt og kjekt, så møt fram! Velkomen!

Småprat | Posted on by | Kommenter innlegget

Dugnad laurdag 24.10 klokka 10.00

Vi har tradisjon for godt frammøte på dugnader, spesielt dei to hovud-dugnadane våre haust og vår. Tida er no inne for haustdugnaden – datoen er laurdag 24.10 klokka 10-15. Vi organiserer og har arbeidsoppgåver klare. Det vert lett servering (lurt å ta med niste i tillegg) og kaffi. I tillegg prøver vi å få til premieutdeling for turneringar. Det er fint viss du tek med deg spade, rake, bøtte, hanskar, motorsag (3stk nødvendig), og ikkje minst godt humør! Vel møtt til ein triveleg dag på banen på Børve. Oppmøte Driving range.

Her er nokon minne frå tidlegare dugnader

Småprat | Posted on by | Kommenter innlegget

Kva har skjedd sidan sist?

Vi har ikkje lagt på latsida fordi om det har vore lite å lesa her. Vi har gjennomført årets siste VTG (Vegen til golf) kurs med 7 deltakarar, hatt opplæring for elevar frå Framnes kristne vgs kvar tysdag, og er i gang med treningskveldar for nybegynnarar mandagskveldar frå klokka 17. Til alle desse aktivitetane trengs det erfarne golfarar, og mange medlemmer har stilt opp.

I tillegg har det vore kvitt av ballar på rangen så og seie dagleg, og vi måtte setje opp ei ny dugnadsliste over ballplukkarar. Vi har og helde toaletta og Lunden reine og fine, så mange dugnadstimar går med i oktober og.

Småprat | Posted on by | Kommenter innlegget

Siste Sjanse og Puttemeisterskap

12 deltakarar på Siste Sjanse og 15 på Puttemeisterskap; det er tydeleg at det lir mot slutten av sesongen, og kanskje nokon har begynt å trene mot neste sesong i staden for å konkurrere? Uansett, vinnarane av den første konkurransen var radarparet Vidar Østerbø og Rickard Børven. Klubbmeister i putting vart Egil Eikrem. Vi gratulerer! Resten av resultata finn du i Golfbox.

Småprat | Posted on by | Kommenter innlegget

Klubbmeisterskap i putting

Meld deg på i golfbox! Grunnen til at vi har sett tak på deltakarar er at vi er usikre på kor lang tid konkurransen tek, og om mørkret kjem før vi er ferdig. Men viss det blir fleire enn 24, prøver vi å ordne det. Så meld deg på!

Småprat | Posted on by | Kommenter innlegget

27 deltakarar på flaggturneringa!

Laurdag var det mange som hadde det moro på banen. Konkurransen gjekk ut på å koma lengst med dine tildelte slag, og setje ned «flagget» ditt der ballen landa på det siste slaget ditt. Vinnaren vart Øystein Mongstad – vi gratulerer!

Her kan du lese resten av resultata.

Småprat | Posted on by | Kommenter innlegget

Meir påfyll med Jon Klyve!

Jon kjem til Kvam igjen, og vil gje deg tips om korleis slå beint, langt og høgt. Han vil gje deg dei tipsa du treng for å bli betre! I morgo torsdag kl 17 og 18, og kanskje fredag viss mange melder seg. Berre 4 i kvar økt! Det betyr at du får veldig god oppfølging! Meld deg på til hardangergolfklubb@gmail.com snarast,

Småprat | Posted on by | Kommenter innlegget

Har du lyst til å begynne med golf?

Det er ikkje for seint! Fredag 2.oktober går sesongens siste «Vegen til Golf» kurs av stabelen. Harald Buene, som har trenar 2 utdanning i golf, tek deg gjennom diverse slag og reglar, slik at du er klar til å gå ut på banen. Kurset er ope for alle, og vi har utstyr du kan låne gratis. Sidan det er seint på året, har vi spesialtilbod! Over 18 år kr 1900 og under 18 kr 600. NB! Dette inkluderer fritt spel og medlemskap for 2021. Interessert? Spørsmål? Send påmelding/spørsmål til Hardangergolfklubb@gmail.com !

Småprat | Posted on by | Kommenter innlegget

Flaggturnering – kva er det?

Alle får tildelt slag ut frå hcp. Om å gjere å kome lengst mogleg på banen til slaga er brukt opp. Det skal i utgangspunktet spelast 12 hol (men ein kan sjølvsagt koma lenger om ein spelar betre enn sitt hcp). Dette er moro, og eigentleg konkurrerer du berre med deg sjøl! No har du sjanse til å prøve, for førstkomande laurdag 19.09. kl 15 skjer det på Børve. Møt fram 1/2 time før start!

Påmelding i Golfbox.

Småprat | Posted on by | Kommenter innlegget